Намояндаи ФФТ- комиссари бозиҳои интихобии Осиё-2016
Душанбе, 16.09.2015 (АМИТ «Ховар», Фарзонаи Давлат).-Сардори шуъбаи байналмилалии Федератсияи футболи Тоҷикистон Давлатманд Исломов комиссари бозиҳои марҳилаи интихобии чемпионати Осиё-2016 байни наврасони то 16-сола дар гурӯҳи «F» таъйин шуд.
Тавре ки дар ин бора Федератсияи футбол хабар дод, мусобиқаи ин гурӯҳ аз 16 то 20 сентябр дар шаҳри Ал-Кувайти давлати Кувайт баргузор мешавад. Барои баромадан ба марҳилаи ниҳоии мусобиқа дар ин гурӯҳ тимҳои мунтахаби наврасони Кувайт, Сурия ва Афғонистон рақобат мекунанд.
Ёдрас мешавем, ки чанде пеш дастаи мунтахаби наврасони то 16-солаи Тоҷикистон таҳти роҳбарии сармураббӣ Зайниддин Раҳимов барои иштирок дар бозиҳои марҳилаи интихобии чемпионати Осиё-2016 ба шаҳри Дохаи Қатар сафар карданд.
Тими мунтахаби наврасони Тоҷикистон дар гурӯҳи «С» бо тимҳои мунтахаби наврасони Қатар, Ироқ ва Туркманистон барои баромадан ба марҳилаи ниҳоӣ мубориза мебарад.
17 июл дар якчанд идора нишасти матбуотӣ баргузор мегардад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
