Пешсафии теннисбоздухтарони тоҷик барои дарёфти «Ҷоми Президент»
Душанбе, 21.09.2015. (АМИТ «Ховар», Фарзонаи Давлат).-Шурӯъ аз 19 сентябри соли ҷорӣ дар Қасри тенниси шаҳри Душанбе мусобиқаи байналмилалӣ оид ба теннис байни наврасон барои дарёфти “Ҷоми Президенти Тоҷикистон” ҷараён дошта, теннисбоздухтарони тоҷик дар ин мусобиқа пешсаф мебошанд.
Бино ба иттилои сардовари мусобиқа Мансур Яҳёев, теннисбоздухтарони тоҷик дар даври нимниҳоӣ роҳхат гирифта, ба даври финалии мусобиқа омодагӣ дида истодаанд.
-Феълан бозингарон барои даври нимниҳоӣ миёни ҳам рақобат дошта, теннисбозони Туркманистон бартарӣ нишон дода истодаанд. То анҷоми бозӣ маълум нест, ки кадом даста ва варзишгарон ба даври нимниҳоӣ роҳхат мегиранд,- афзуд мавсуф.
Ёдрас мешавем, ки дар ин мусобиқа 32 варзишгар, ки 26 нафараш духтар аст, аз ҷумҳуриҳои Қирғизистон, Туркманистон, Тоҷикистон, Украина ва Ӯзбекистон ширкат варзида, барои дарёфти Ҷоми Президент миёни ҳам рақобат доранд.
Мусобиқа то 24 сентябри соли равон дар Қасри тенниси шаҳри Душанбе идома меёбад. Ин 6-умин мусобиқаи байналмилалӣ оид ба теннис мебошад, ки теннисбозони наврас барои ба даст овардани «Ҷоми Президенти Тоҷикистон» рақобат мекунанд.
Ёдрас мешавем, ки “Ҷоми Президенти Тоҷикистон оид ба теннис” аз соли 2005 таъсис ёфта, дар байни варзишгарони наврас гузаронида мешавад.
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
Дар Тоҷикистон Фестивали якуми байналмилалии санъати сиркӣ баргузор мегардад
Имрӯз дар Тоҷикистон ҳаво то 39 дараҷа гарм мешавад
