Рӯзҳои ид ва манъи фурӯши туфангҳои пластикӣ ба кӯдакон
Душанбе, 23.09.2015. (АМИТ «Ховар»). — Беш аз 35 соли ҷанг дар Афғонистон васоили бозии кӯдакони ин кишварро тағйир додааст. Туфангҳои пластикӣ ба унвони васоили тафреҳии кӯдакон мубаддал шудааст. Ин туфангҳои пластикӣ, ки анвои мухталиф дорад, дар рӯзҳои ид ба унвони воситаи пурдаромад барои дӯкондорҳо мубаддал мешавад.
Тавре ки дар шабакаи «Уфуқ.нюс» омадааст, Вазорати дохилаи Афғонистон зимни эъломи омодагӣ барои таъмини амнияти рӯзҳои ид ба дӯкондорон эълом доштааст, ки аз фурӯши туфангҳои пластикӣ худдорӣ намоянд ва ба неруи пулис дастур додааст, ки монеи фурӯши он шаванд ва низ аз хонаводаҳо хостааст, ки барои кӯдаконашон туфангҳои пластикӣ ва асбоббозиҳои хатарнокро нахаранд.
Вазорати дохила ҳамчунон гуфтааст, ки дар ҳамоҳангӣ бо Вазорати тиҷорат аз вуруди туфангҳои пластикӣ ба кишвар ҷилавгирӣ намоянд.
Ин тасмими Вазорати дохилаи Афғонистон дар ҳоле сурат гирифтааст, ки дар рӯзҳои ид бар асари бозии кӯдакон бо ин туфангҳои пластикӣ, кӯдакони зиёде осеб дидаанд ва ҳатто боиси кӯр шудани чашмҳояшон гардидааст.
Вазорати дохилаи Афғонистон ба мардуми кишвар итминон додааст, ки барои таъмини амнияти рӯзҳои ид дар тафреҳгоҳҳо ва марказҳои таҷаммӯъ омодагӣ гирифтааст. Аз тамоми қишри ҷомеа хостааст, ки дар сурати дидани афроди шубҳанок ба неруҳои амниятӣ хабар диҳанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






