Сӯхтор дар зеристгоҳи барқии ИТ-146-и ноҳияи И.Сомонӣ

Душанбе, 04.09.2015 (АМИТ «Ховар»).- Дар се ҳолати сӯхторе, ки дар минтақаҳои кишвар рух додааст, наздик ба 40 ҳазор сомонӣ зарар овардааст.  
Бино ба иттилои Хадамоти оташнишонии Вазорати корҳои дохилии кишвар, зеристгоҳи барқии ИТ-146, воқеъ дар хиёбони Рӯдакӣ-166, ноҳияи Исмоили Сомонии пойтахт дар масоҳати 1-метри мураббаъ сӯхтор ба амал омадааст. Зарари расонида шуда 20000-сомониро ташкил медиҳад.
Чунин ҳолати сӯхтор дар хонаи истиқоматии марди 52-солаи сокини ноҳияи Данғара дар масоҳати 21-метри мураббаъ ба қаид гирифта шуд, ки 2000 сомонӣ зарар расонидааст. 
Автомашинаи шахсии тамғаи Даймлер-Бенс, ки ба марди 50-солаи сокини шаҳри Исфара тааллуқ  дорад, дар масоҳати 6-метри мураббаъ сӯхта, 17000-сомонӣ  зарар расонидааст.
Сабаби сар задани сӯхторҳоро масъулини Хадамоти мазкур  расиши кӯтоҳи ноқилҳои барқӣ арзёбӣ мекунанд.