Тадбирҳои амниятӣ дар бозорҳои пойтахт пурзӯр гардонида мешавад

Сентябрь 7, 2015 05:07

         Душанбе, 07.09.2015.(АМИТ «Ховар», Марзия Саидзода).-Тадбирҳои амниятӣ дар бозорҳои пойтахт дар иртибот бо ҳодисаҳои хушунатбори ахир  бо дастури сохторҳои марбутаи қудратии кишвар пурзӯр гардонида мешавад», гуфт зимни суҳбат ба хабарнигори «Ховар» Сайфулло Амонов -сардори Раёсати иқтисод ва бозорҳои пойтахт. Номбурда дар посух ба савол, ки чаро рӯзҳои охир аксари бозорҳи бузурги пойтахт фаъолият надоштанд, гуфт, ки  вобаста ба омодагии пойтахт ба ҷашни 24-умин солгарди Истиқлолияти давлатии Ҷумҳурии Тоҷикистон,  мисли дигар  идораю муассисаҳои пойтахт  6 сентябр дар кулли бозорҳои бузурги  шаҳр- «Шоҳмансур», «Саховат», «Деҳқон», «Корвон», «Султони Кабир», «Ганҷина» ва «Панҷшер» рӯзи тозагӣ ё худ санитарӣ эълон гардида буд, аммо бозорҳои хурд фаъолият доштанд. Имрӯз 7 сентябр тамоми бозорҳои бузурги пойтахт, ки аз рӯи таъиноташон ҳам маводи хӯрока ва пӯшока мефурӯшанд,  ба фаъолият оғоз карданд.
        Алҳол дар пойтахти ҷумҳурӣ 28 бозор фаъолият дошта, аз он 5 тоаш давлатӣ ва боқимондааш хусусист.

 

Сентябрь 7, 2015 05:07

Хабарҳои дигари ин бахш