Тарроҳон ва дӯзандаҳои тоҷик сохтори либосро омӯхтанд

Душанбе, 25.09.2015 (АМИТ “Ховар”).-Тарроҳон, дӯзандаҳо, ва муҳандисони нассоҷии тоҷик аз давраи серӯза доир ба сохтори либос, ки аз 21-ум то 23-юми сентябр дар шаҳри Хуҷанд баргузор шуд, гузаштанд. 
Бино ба иттилои Маркази тиҷорати байналмилалӣ, дар давраи омӯзишии мазкур маърӯзаҳо, муаррифиномаҳо, наворҳои видеоӣ, баҳсҳои гурӯҳӣ, омӯзиши намунаҳо, санҷишҳо ва василаҳои дигари мӯдҳо мавриди муҳокима қарор гирифтанд. 
Давраи омӯзишӣ аз ҷониби лоиҳаи МТБ ва бо маблағгузории Ҳукумати Швейтсария дар чаҳорчӯбаи Барномаи ҳамкорӣ дар соҳаи тиҷорат доир шуд.
Ҳадаф аз баргузории давраи омӯзишӣ амиқтар гардонидани донишу маҳорати касбии мутахассисони тоҷик доир ба василаҳои гуногун ва муҳтавои сохтори либос арзёбӣ шуд, ки дар саноати замонавии мӯд васеъ истифода мешавад.