Таъсиси ҷойҳои нави корӣ дар Рашт

Рашт, 31.08.2015 (АМИТ «Ховар»).-Дар ноҳияи Рашт дар нимсолаи аввали соли равон  2518 ҷойҳои нави корӣ таъсис дода шудааст, ки  72 фоизи нақшаи  солонаро ташкил медиҳад.
Аз ҷониби филиали Муассисаи давлатии «Маркази омӯзишии калонсолони Тоҷикистон» дар ноҳияи Рашт дар 6 моҳи соли  2015-15 гуруҳҳои омӯзишӣ бо фарогирии 302  нафар  касбомӯзон  ташкил карда шуда,  91  нафар бо ҳуҷҷатҳои касбӣ таъмин карда шудаанд.
Дар ин давра  145 нафар, аз ин 94 нафар занон дар гуруҳҳои аз ҳисоби барнома ташкилшуда ва 157 нафар, аз он 48 нафар занон дар гурӯҳҳои худмаблағгузорӣ ба омўзиши касбҳои дўзандагӣ,  кафшергари барқ, устои автомобил машғул буда, ҳамчунин  омўзиши забони русӣ ва компютерӣ низ ба роҳ монда шудааст.