Тоҷикистон дар форуми байналмилалӣ

Душанбе, 15.09.2015. (АМИТ «Ховар»).  Дар шаҳри Маскави Федератсияи Русия 15-уми сентябри соли ҷорӣ форуми байналмилалии фарҳангӣ баргузор шуд.
Дар ин бора аз хадамоти матбуоти Вазорати фарҳанг хабар дода, афзуданд, ки Форуми II байналмилалии фарҳангии Роҳи абрешим дар мавзӯи «Рушди ҳамкорӣ, коркарди лоиҳаи муштарак дар доираи ҳамкории фарҳангӣ» бо ташаббуси Фонди фарҳанги Чини назди Вазорати фарҳанги Ҷумҳурии Мардумии Чин, Фонди Маркази маънави Қазоқистон, Фонди Роҳи Абрешими Чин ва Фонди байнидавлатии ҳамкории гуманитарии кишварҳои ИДМ баргузор хоҳад шуд.
Бино ба иттилои манбаъ, мақсад аз баргузории ин форум фароҳам овардани имконият барои намояндагони соҳаи илму фарҳанг, намояндагони ҷомеаи шаҳрвандӣ ва сохторҳои давлатӣ ҷиҳати ҳамкории минбаъдаи фарҳангӣ, рушди анъанаҳои миллӣ буда, ҳамчунин ҷаласаҳои пленарӣ ва мавзӯӣ доир  шуданд. 
— Дар Форуми мазкур намояндагони Ҷумҳурии Тоҷикистон аз соҳаи илму фарҳанг, Вазорати фарҳанги Ҷумҳурии Тоҷикистон, Академияи илмҳои Ҷумҳурии Тоҷикистон ва Комиссия оид ба корҳои ЮНЕСКО дар Тоҷикистон ширкат намуданд,- афзуд манбаъ.