Ваҳдат асоси рушди миллат аст

Душанбе, 30.09.2015. (АМИТ «Ховар»).-Ифротгароӣ имрӯз ба як мушкилии ҷаҳонӣ табдил ёфта, аксари мамолики оламро ба ташвиш овардааст. Воқеахои рӯзҳои аввали моҳи сентябр, ки дар Тоҷикистон ба вуқуъ пайвастанд, мардуми моро бв ташвиш овардаанд. Ин исён моро водор месозад, ки нисбат ба ин масъала бетафовут набошем ва ваҳдати ба душворӣ ба даст омадаро ҳифз намоем. Мо имрӯз кӯшиш ба харҷ диҳем, ки насли наврас таълими комили дунявию муосир гирифта аз  асрори технологияҳои нав хабардор бошад. Мутаассифона, вақтҳои охир аксар ҷавонон аз надоштани иттилооти дақиқ, паст будани савияи дониши сиёсӣ ва ҳуқуқӣ ба гурӯҳҳои ифротгаро, ки ба ном «исломӣ» мебошанд ва бо ин кирдорашон нуфуз ва манзалати исломро дар олам паст мезананд, шомил мешаванд. Оё онхо намедонанд, ки оқибати ин бозиҳои сиёсӣ ба некӣ намеанҷомад. Ҳоло  дар Ироқ, Сурия, Ливия, Яман ҳокимияти давлатии комил вучуд надорад. Қариб ба ҳамаи ин давлатҳо хавфи аз харитаи дунё нест шудан таҳдид мекунад. Барои ҳамин, дар Тоҷикистон, ки зиёда аз 90%-и аҳолӣ мусулмон аст, ҳеҷ зарурати ҳизби динӣ дида намешавад. Ҳизбӣ шудани диндорон ба тафриқа дар ҷомеа оварда расонид. Мо бояд мардуми азияткашидаи худро аз ин гуна хатарҳою бадбахтиҳо  огоҳ кунем. Ваҳдате, ки бо ҷонбозиҳо ба даст  омадааст ва дар таърихи халли низоъҳо, муноқишаҳо, хотима бахшидан дар чанги шахрвандӣ беназир аст, бояд чун гавҳараки чашм нигоҳ дошта шавад, то рушду нумӯи кишвари азизи мо халалдор нагардад.

А. Ғафуров, Ф. Абдурашитов, кормандони Институти таърих, бостоншиносӣ ва мардумшиносии Академияи илмҳои Ҷумҳурии Тоҷикистон