Афзоиши пасандозҳо дар ташкилоти қарзӣ

Душанбе, 28.10. 2015. (АМИТ «Ховар»). — Раванди афзуншавии ҳаҷми бақияи пасандозҳои аҳолӣ дар ташкилоти қарзии ҷумҳурӣ чун моҳҳои пешин идома дорад. Бақияи пасандозҳо дар охири моҳи сентябри соли равон 8 214,5 млн. сомониро ташкил намуд, ки нисбат ба ҳамин давраи соли гузашта 30,9 фоиз зиёд аст.
Таҳлили таркиби бақияи ҳаҷми амонатҳо нишон дод, ки 39,8 фоиз ё маблағи 3 272,6 млн. сомонии амонатҳо ба шахсони ҳуқуқӣ ва 60,2 фоиз ё 4 941,9 млн. сомонии амонатҳо ба шахсони воқеӣ тааллуқ доранд.
Фоизҳои миёнавазни пасандозҳо дар нуҳ моҳи соли ҷорӣ бо пули миллӣ 15,33 фоиз ва бо асъори хориҷӣ 11,61 фоизи солонаро ташкил намуданд.