Ҳамоиши илмӣ-тадқиқотӣ бахшида ба 3000- солагии Ҳисори Шодмон
Душанбе, 01.10.2015. (АМИТ «Ховар»).-Имрӯз дар Пажӯҳишгоҳи илмӣ- тадқиқотии фарҳанг ва иттилооти Вазорати фарҳанги Ҷумҳурии Тоҷикистон бахшида ба 3000- солагии Ҳисори Шодмон конфронси илмӣ-амалии «Нақши Ҳисори Шодмон дар рушду нумӯи фарҳанги миллӣ» баргузор гардид. Дар конфронс директори Пажӯҳишгоҳи мазкур, номзади илмҳои педагогӣ Шариф Комилзода роҷеъ ба диқати махсус додани Ҳукумати чумҳурӣ ба санаҳои муҳими таърихӣ, аз ҷумла гиромидошти таърихи чандинҳазорсолаи шаҳру деҳоти Тоҷикистон ва шаҳрҳои қадимии он, обод кардани онҳо, эҷод кардани асару достон ва рисолаҳои илмиву таърихӣ оид ба пайдоиш ва гузаштаи онҳо, бахусус 3000-солаи Ҳисори қадим сухан гуфт. Доктори илмҳои таърих, профессор Аскаралӣ Раҷабов дар мавзӯи «Эҷодиёти шеърию мусиқии водии Ҳисор», узви вобастаи АИҶТ, доктори илмҳои филологӣ, профессор Мирзо Муллоаҳмад дар мавзӯи «Доираи адибии Ҳисор», номзади илмҳои филологӣ Дилшод Раҳимов дар мавзӯи «Мулоҳизаҳо доир ба этимологияи вожаи «Шумон», нависанда Ҳасани Муҳаммадӣ дар мавзӯи «Рӯинатан Ҳисори Шодмони Ватан», ходими пешбари илмии Пажӯҳишгоҳи илмию тадқиқотии фарҳанг ва иттилоот Назокат Қиличева дар мавзӯи «Масъалаи пажӯҳиши рақси халқии тоҷикии мардуми водии Ҳисор» маърӯза карданд.
Маърӯзачиён зикр намуданд, ки Ҳисори Шодмон таърихи қадимӣ дошта, ёдгориҳои таърихии он нишонае аз куҳанбунёд будани онанд.
Ёдовар мешавем, ки моҳи октябри соли равон 3000-солагии Ҳисори Шодмон бо шукуҳу шаҳомати хосса таҷлил мегардад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
