Ҳарбиёни Ироқ панҷ аъзои «Давлати исломӣ» — ро асир карданд

Душанбе, 23.10.15. (АМИТ «Ховар»). — Назар  ба  хабари  агентии  Reuters, дар  ҷараёни  амалиёти  гурӯҳи  махсуси  низомии  ИМА барои озод  намудани  гаравгонон  дар  шимоли  Ироқ панҷ  нафар  ҷангиёни  гурӯҳи  террористии «Давлати  исломӣ» асир  гирифта шуданд.
Намояндаи Пентагон  изҳор  дошт, ки   амалиёти  наҷотдиҳӣ баъди  расидани  хабар  дар  бораи  қасди силоҳбадастони «Давлати исломӣ»  барои саросар  қатл  намудани  гаравгонон  оғоз  ёфт.
Панҷ аъзои  гурӯҳи террористӣ  дастгир  шуда, аз  теъдоди силоҳбадастони кушташуда хабар  дода намешавад. Дар  Пентагон ба ҳалокат расидани  низомии  Амрико  ҳангоми  роҳандозии  амалиёти  ҳарбиро  низ тасдиқ  намуданд. 
Қаблан  хабар  дода шуда буд, ки низомии  амрикоӣ  дар  ҷараёни  амалиёт барои  наҷот  додани  даҳҳо  нафар  гаравгонон  кушта шудааст.