Бозии ниҳоии Ҷоми Тоҷикистон дар Варзишгоҳи марказии Душанбе доир мешавад
Душанбе, 12.10.20115. (АМИТ «Ховар»).-Бозии ниҳоии Ҷоми Тоҷикистон оид ба футбол байни дастаҳои «Истиқлол-и Душанбе ва «Регар-ТадАЗ-и Турсунзода 25 октябр дар Варзишгоҳи марказии Душанбе баргузор мешавад.
Ёдовар мешавем, ки дастаи «Истиқлол» ва «Регар-ТадАЗ» барои бори панҷум паиҳам ба ҳаққи ширкат дар бозии ниҳоии Ҷоми Тоҷикистон мушарраф шудаанд. Дар бозиҳои ниҳоӣ байни ин ду даста ду бор дастаи «Регар-ТадАЗ солҳои 2011, 2012 ва ду бор дастаи «Истиқлол солҳои 2013, 2014 ғолиб омада, Ҷоми Тоҷикистонро ба даст овардаанд.
Бояд тазаккур дод, мусобиқа барои Ҷоми Тоҷикистон сар аз соли 1992 барои бори 24-ум барпо мегардад. Ҳамагӣ 10 даста барандагони Ҷом гардидаанд. Аз ҳама бештар 6 бор дастаи «Регар-ТадАЗ Ҷоми Тоҷикистонро ба даст овардааст. Дастаи «Истиқлол чаҳор бор ва «Хуҷанд-и Хуҷанд се бор барандагони Ҷом шуданд. Дастаҳои «Вахш-и Қӯрғонтеппа, «Варзоб-и Душанбе ва «Парвоз(собиқ «Авиатор)-и Бобоҷон Ғафуров дуборӣ, тимҳои «Помир-и Душанбе, «Ситора-и Душанбе, «Равшан-и Кӯлоб ва «Пахтакор-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






