«Давлати исломӣ» масъулияти тирпарронӣ дар масҷиди Арабистони Саудиро бар ӯҳда гирифт

Душанбе, 17.10.2015 (АМИТ «Ховар»).- Гурӯҳи террористии «Давлати исломӣ» масъулияти тирпарронӣ дар масҷиди пайравони мазҳаби шиа дар Арабистони Саудиро, ки рӯзи ҷумъа ба амал омад, бар ӯҳда гирифт, — иттилоъ медиҳад «Reuters».
Бино ба иттилои манбаъ, ифротгароён дар ин бора дар шабакаи Интернет изҳорот пахш кардаанд. Дар ин изҳорот қайд мешавад, ки ин ҷангӣ бо автомат мусаллаҳ буд.
Марди тақрибан 20-сола ҳангоми тафтиши полис тир мекушояд. То он даме, ки кормандони ҳифзи ҳуқуқ ин ҷангиро ба ҳалок мерасонанд, вай 5 нафарро кушта, чанд каси дигарро захмӣ мекунад.