Гусели наваскарони вилояти Суғд бо маросими мардумии «нонгазон»
Душанбе, 05.09.2015, (АМИТ «Ховар»). — Рӯзи шанбеи гузашта нахустин гурӯҳи наваскарон аз ҳисоби ҷавонони вилояти Суғд ба сафи Қувваҳои мусаллаҳи Ҷумҳурии Тоҷикистон сафарбар шуданд. Ба ин муносибат дар Амфитеатри Қасри Арбоб бо ҳузури беш аз 7 ҳазор ҷавон, афсарону сарбозон, фаъолони вилояти Суғд чорабинии тантанавӣ баргузор гардид. Раиси вилояти Суғд Абдураҳмон Қодирӣ зикр кард, ки артиши миллӣ сипари тавоно ва кафили осудагиву амнияти мамлакат дониста мешавад. А.Қодирӣ ба фарзандони арҷманди Суғдзамини бостонӣ, ки имрӯз бо дарки масъулияти фарзандӣ ва амри дилу виҷдон хизмати Модар-Ватанро ихтиёр намудаанд, фатҳи қуллаҳои баланди мардонагиву матонатро таманно намуд.
Хотиррасон мешавем, ки бо Фармони Сарфармондеҳи Олии Тоҷикистон мавсими даъвати навасккарон ба сафи Қувваҳои мусаллаҳ аз 1-уми октябри соли равон оғоз шуда, аллакай ба сафи Қувваҳои мусаллаҳи Тоҷикистон аз шаҳру ноҳияҳои вилояти Суғд беш аз 1000 ҷавон бо хоҳиши худ сафарбар мешаванд, ки аксари онҳо дорои маълумоти олӣ ва миёнаи касбӣ буда, дар миёни онҳо ҷавонони соҳибҳунар низ ҳастанд. Дар нахустин рӯзи даъват дар ноҳияи Кӯҳистони Мастчоҳ ва шаҳри Истиқлол нақшаи даъват ба иҷро расида, дар як зумра шаҳру ноҳияҳо дар нахустин рӯз то беш аз 90 дарсади нақша иҷро гардидааст.
Дар чорабинии мутантан бо ҳузури даъватшавандагон ва модарони онҳо анъанаи мардумии нонгазон низ сурат гирифт. Сипас барои иштирокчиёни ҳамоиши мутантан бо ҳузури санъаткорони номии вилоят барномаи фарҳангӣ пешниҳод шуд. Пас аз итмоми ин барнома даъватшавандагон аз Амфитетари Қасри Арбоб ба маркази ноҳияи Бобоҷон Ғафуров омаданд. Дар шаҳраки Ғафуров барои даъватшавандагон ва волидони онҳо, дар маҷмӯъ барои 4000 нафар дастархони идона ороста шуда, барномаи фарҳангӣ низ манзур гардид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






