Идомаи вохӯриҳои ҷавонони гурӯҳи «Пешоҳанг» дар вилояти Твер

Октябрь 16, 2015 09:00

Душанбе, 16.102015 (АМИТ «Ховар»).- Ҷавонони гурӯҳи «Пешоҳанг» дар доираи сафар ба Федератсияи Русия ба ноҳияи Рамешковскии вилояти Твер ташриф оварда, бо роҳбарияти ноҳияи мазкур ва шаҳрвандони Тоҷикистон, ки дар ин ҷо  фаъолият мекунанд, вохӯрданд.
Меҳмононро роҳбари ноҳияи Рамешковскии вилояти Твер Павлов Игор Анатолйевич ва дигар фаъолони ноҳия пазироӣ намуданд. 
Гуфта мешавад, ки дар ноҳияи Рамешковский беш аз 600 нафар тоҷикон аз рӯи касбҳои гуногун дар корхонаҳои саноатӣ ва хоҷагии қишлоқ бо меҳнати софдилона зиндагӣ мекунанд.  
Ҳайати ҷавонони гурӯҳи «Пешоҳанг» дар деҳаи Перлогии ноҳияи Рамешковский аз корхонаи дӯзандагӣ, ки роҳбариашро тоҷикон  ба уҳда доранд, дидан намуданд. Дар ин корхона муҳоҷирони меҳнатии тоҷик ба дӯхтани либос ва дигар ашёҳо, ки аз матои пахтагӣ омода мешаванд, машғул буда, якдилона фаъолият менамоянд. 
Зимни суҳбат тоҷикони ин маҳал низ изҳор доштанд, ки сиёсати кунунии давлату ҳукумати кишварро якдилона ҷонибдорӣ намуда, барои ободӣ, сарсабзиву хуррамии кишвар саҳми худро хоҳанд гузошт. 
Ҳамчунин ҷавонони гурӯҳи «Пешоҳанг» оид ба пешгирии тақлид ба фарҳанги бегона, шомил шудани баъзе аз ҷавонони зудбовар ба ҳар гуна ҳизбу ҳаракатҳои экстремистию террористӣ, хурофотпарастию ифротгароӣ ва дигар мавзӯъҳои мавриди таваҷҷуҳ бо ҳамватанони бурунмарзӣ суҳбат оростанд. 
Сафари ҷавонони гурӯҳи «Пешоҳанг» ба шаҳру вилоятҳои Федератсияи Русия идома дорад.

 

 

Октябрь 16, 2015 09:00

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд