Исфара: Ба маблағи 202,8 миллион сомонӣ маҳсулоти саноатӣ истеҳсол шуд
Душанбе, 13.10.2015. (АМИТ «Ховар»).-Дар мақомоти иҷроияи ҳокимияти давлатии шаҳри Исфара таҳти раёсати раиси шаҳр ҷаласаи васеи фаъолони шаҳр баргузор гардид, ки дар он натиҷаҳои рушди иқтисодиву иҷтимоии шаҳр дар давоми 9 моҳи сипаригаштаи соли 2015 мавриди баррасӣ қарор дода шуд.
Дар ҷаласа таъкид шуд, ки дар ин муддат тамоми воситаю имкониятҳои мавҷуда баҳри татбиқи 205 лоиҳаи дар соли 2015 ба нақша гирифташудаи «Барномаи рушди иқтисодию иҷтимоии шаҳри Исфара барои солҳои 2013-2017» сафарбар гардиданд.
Дар ин давраи ҳисоботӣ ба маблағи 202,8 миллион сомонӣ маҳсулоти саноатӣ истеҳсол ва хизматрасонии пулакӣ ба анҷом расонида шуда, рушди 20%-и соҳа таъмин гардид. Дар ин муддат 5 коргоҳу корхонаи навбунёди истеҳсолӣ ба истифода дода шуданд. Ҳамчунон дар ҳудуди ҷамоатҳои шаҳраку деҳот 12 маркази таълимӣ-истеҳсолии адрасу атласбофӣ таъсис ёфта, 37 дастгоҳ хари ва насб шудааст.
Дар раванди вусъати корҳои созандагӣ бунёди беш аз 60 иншооти истеҳсоливу иҷтимоӣ, хизматрасониву савдо сурат гирифта, ҳамчунон иқдомоти шаҳрдорӣ дар самти ободонии роҳҳо тақвият ёфта, то ба имрӯз наздик ба 28 км роҳ, аз ҷумла кӯчаҳои дохили маҳаллаҳо таъмири куллӣ ва 170 км таъмири ҷорӣ шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






