Кохи Сафед: Обама аз Созмони «Пизишкони бидуни марз» узрхоҳӣ кард
Душанбе, 08.10.2015 (АМИТ «Ховар»).-Ба иттилои Пресс ТВ аз нақли Кохи сафед, Барак Обама, Президенти Амрико дар гуфтугўи телефонӣ бо раиси Созмони пизишкони бидуни марз ба хотири ҳамлаи ҳавоӣ ба бемористони ин созмон дар Қундузи Афғонистон узрхоҳӣ кардааст.
Рўзи шанбе дар натиҷаи ҳамлаи ҳавоии Амрико ба як бемористон дар шимоли Қундуз ҷони 22 ғайринизомӣ гирифта ва даҳҳо тан маҷрӯҳ гардидааст.
Ҷоаш Эрнест, сухангўи Кохи сафед эълом кард, Барак Обама барои узрхоҳӣ ва тасаллият ба хотири марги кормандони Созмони пизишкони бидуни марз ва бемороне, ки дар натиҷаи ҳамлаи иштибоҳии ц Амрико ба бемористони ц ин созмон кушта ва захмӣ шуданд, бо раиси ин созмон Ҷуон Лиу тамоси телефонӣ дошт.
Бар асари ҳамла ба ин бемористон Созмони пизишкони бидуни марз , низ неруҳои худро аз он хориҷ кард.
Бояд гуфт, ки созмони башардӯстона бо маҳкум кардани ҳамла ба бемористони Қундуз, таҳқиқи холисона ва мустақили ин ҳодисаро хостор шуд.
Ҷуон Лиу, раиси ин ниҳоди башардӯстона рўзи чоршанбе дар баёнияе эълом кард: «Ин танҳо ҳамла ба бемористони мо набуд, ҳамла ба конвенсияҳои Женева буд, чунин чизро наметавон таҳаммул кард».
Лиу афзуд, ин ҳамлаи ҳавоӣ нақзи қонунҳои байналмилалӣ аст, зеро ҳамла ба бемористонҳо дар минтақаҳои ҷангӣ хилофи Конвенсияи Женева аст.
16 июл дар якчанд кумитаю идора нишасти матбуотӣ баргузор мегардад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
