Конфронси гурӯҳи «Пешоҳанг» бо тоҷикони муқими вилояти Твер

Октябрь 16, 2015 03:27

Душанбе, 16.102015 (АМИТ «Ховар»).-Дирӯз, 15-уми октябри соли равон дар Қасри фарҳанги ноҳияи Пролетарскии вилояти Твери Федератсияи Русия бо иштироки намояндагони Раёсати робитаҳои ҷамъиятии дастгоҳи Губернатори вилояти Твер, Кумитаи ҷавонони вилояти Твер, роҳбарони ноҳияи Калининскии вилояти мазкур, Академияи хоҷагии қишлоқи Твер, раиси ҷамъияти фарҳангии вилояти Твер ва ҷамъиятҳои тоҷикон аз минтақаҳои вилояти Твер дар якҷоягӣ бо гурӯҳи ҷавонони «Пешоҳанг» конфронс баргузор гардид.
Дар конфронс иштирокдорон оид ба ҳаёту фаъолияти тоҷикони муқими вилояти Твер, муҳоҷирони меҳнатӣ ва ҳамватанони бурунмарзӣ сухан гуфта, зикр карданд, ки онҳо сиёсати пешгирифтаи давлату Ҳукумати Ҷумҳурии Тоҷикистонро ҷонибдорӣ намуда, фарҳанги қадимӣ ва бою пурғановати мардуми тоҷикро дар ин ҷо муаррифӣ менамоянд.
Зикр шуд, ки мардуми вилояти Твер ба фарҳангу таърих, расму оин ва анъанаҳои халқи тоҷик таваҷҷуҳи хосса дошта, дар чорабиниҳо ва ҷашну маросими анъанавии тоҷикон  фаъолона иштирок менамоянд.
Зимни баргузории намоиши фарҳангӣ ҳунару истеъдоди мардуми тоҷик ва либосҳои дастдӯз, аз қабили чакан, тоқӣ, ҷӯроб ва ҷомаю куртаҳои миллӣ ба тамошо гузошта шуданд.
Ёдрас мешавем, ки чанде пеш як гурӯҳ ҷавонони фаъоли кишвар аз гурӯҳи «Пешоҳанг» барои дидору мулоқот бо тоҷикони муқим ва муҳоҷирони Тоҷикистон дар Русия ба ин кишвар сафар намуданд.

 

Октябрь 16, 2015 03:27

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд