Конфронси илмӣ ба ифтихори 80-солагии забоншинос Баҳриддин Камолиддинов

Октябрь 8, 2015 11:55

Душанбе, 8.10.2015.(АМИТ «Ховар»).-Имрӯз дар факултети журналистикаи Донишгоҳи миллии Тоҷикистон таҳти унвони «Масъалаҳои мубрами забони васоити ахбори омма» конфронси илмию амалии ҷумҳуриявӣ доир шуд.
Конфронси мазкур  ба ифтихори 80-солагии Корманди шоистаи Тоҷикистон, доктори илмҳои филологӣ Баҳриддин Камолиддинов гузаронида шуд.
Дар конфронс ректори ДМТ Имомзода Муҳаммадюсуф, журналист ва публитсисти тоҷик профессор Иброҳим Усмонов, профессор  Мукаррама Набиева, забоншинос Абдуғаффор Ҷумъаев, дӯстону наздикон ва дастпарварони устод  сухан гуфтанд.
Ёдовар мешавем, ки Баҳриддин Камолиддинов муаллифи чандин асари калонҳаҷми илмӣ буда, инчунин  дар  татбиқи Қонуни забони давлатӣ саҳми арзанда дорад.
Беш аз яксаду панҷоҳ номгӯй мақолаҳои илмию методиаш дар маҷаллаю маҷмӯаҳои  мухталифи илмӣ чоп гардида, таҳти роҳбарии ӯ 20 нафар рисолаи номзадӣ ва 4 нафар рисолаи докторӣ дифоъ намудаанд.
Баҳриддин Камолиддинов дорандаи чандин мукофоти давлатӣ буда, барои меҳнати пурсамар ду карат бо Грамотаи фахрии Президиуми Совети Олии РСС Тоҷикистон, унвони фахрии Корманди шоистаи Тоҷикистон, Арбоби илм ва техникаи Тоҷикистон, бо нишонҳои «Комёбиҳои беназир дар таълими макотиби олӣ» ва «Аълочии маорифи Тоҷикистон» қадрдонӣ шудааст.

 

 

Октябрь 8, 2015 11:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд