Кумаки ТУТ ба аҳолии аз офати табиӣ зарардидаи Бадахшон

Душанбе, 15.09.2015 (АМИТ «Ховар») .- Бюрои Минтақавии Аврупоии Ташкилоти Умумиҷаҳонии тандурустӣ ва Ҳукумати Италия дар доираи ҳамкории худ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон барои аҳолии аз офати табиӣ зарардидади ноҳияҳои Вилояти Бадахшон маҷмӯи дорувориҳоро дастрас намуд. Ҳаҷми умумии маводи доруворӣ 892 килограммро ташкил намуда, барои 10 000  аҳолӣ, ки онро дар муддати се моҳ истифода бурда метавонанд, пешбинӣ шудааст.
Ба иттилои Вазорати тандурустӣ ва ҳифзи иҷтимоии аҳолӣ  моҳи августи соли 2015 иҷрокунанадаи вазифаи роҳбари Намояндагии Ташкилоти Умумиҷаҳонии тандурустӣ дар Ҷумҳурии Тоҷикистон Мелита Вуйнович аз минтақаҳои аз офати табиӣ зарардидаи Вилояти Бадахшон  боздид ба амал овард. Зимни ин сафар Мелита Вуйнович якчанд вохӯриҳо бо намояндаҳои ҳукумати маҳаллӣ, беморхонаҳо, ташкилоти байналмилалӣ ва аҳолии зарардида анҷом дод.
Сафари намояндагони Ташкилоти Умумиҷаҳонии тандурустӣ дар ноҳияҳои аз офати табиӣ зарардидаи минтақаи Рашт идома дорад.