Куштори хоҳар бо табар

Душанбе, 15.10.2015 (АМИТ «Ховар»).-Зимни гузаронидани чорабиниҳои фаврию ҷустуҷӯӣ аз ҷониби кормандони милитсия сокини 65-солаи шаҳри Хуҷанд ҳамчун  гумонбар дар ҷинояти куштор дастгир гардид, ки хоҳарашро бо табар ба қатл расондааст. 
Бино ба иттилои Вазорати корҳои дохилии кишвар, муайян шуд, ки гумонбаршуда 13-уми октябри соли равон  дар ҳолати мастӣ, дар назди театри “Наврасон”-и ш. Хуҷанд бо хоҳараш, зани 61-солаи сокини ҳамин шаҳр ҷанҷол карда, сипас бо табари дар дасташ буда якчанд маротиба ба қисми сар ва гарданаш задааст.  Дар натиҷа, ҷабрдида ҷароҳатҳои вазнини ҷисмонӣ бардошта, дар ҷойи ҳодиса фавтидааст. 
Нисбат ба далели мазкур парвандаи ҷиноятӣ оғоз гардида, тафтиш давом дорад.