Маҷидзода Ҷӯрахон дар кори ҷаласаи комиссияи АБП ИДМ иштирок мекунад
Душанбе, 13.10.15. (АМИТ «Ховар»). 15 — 16 октябр дар шаҳри Санкт Петербурги Федератсияи Русия ҷаласаи Комиссияи доимии Ассамблеяи байнипарлумонии (АБП) давлатҳои узви Иттиҳоди Давлатҳои Мустақил аз рӯи масоили мудофиа ва амният баргузор мегардад.
Дар кори ҷаласа вакилони парлумонҳои узви АБП ИДМ, таҳиягарони лоиҳаҳои ҳуҷҷатҳо ва коршиносон иштирок менамоянд. Тоҷикистонро дар ҷаласа раиси кумитаи Маҷлиси намояндагон оид ба мудофиа ва амният Маҷидзода Ҷӯрахон намояндагӣ мекунад.
Дар ҷараёни кори комиссия таҳияи лоиҳаҳои шарҳу мулоҳиза ба қонун «Дар бораи муқовимат ба пулшӯии даромадҳо бо роҳи ҷинояткорӣ, маблағғузории терроризм ва паҳн кардани аслиҳаи қатли ом», шарҳу мулоҳиза ба қонун «Дар бораи сири давлатӣ», тавсияҳо барои кормандони мақомоти салоҳиятдор ҷиҳати мубориза бо гардиши ғайриқонунии маводи мухаддири давлатҳои узви ИДМ оид ба ташкилу роҳандозии «интиқоли маводи назоратшаванда» ва ғайра анҷом дода мешавад.
Аъзои комиссия лоиҳаҳои қонунҳо «Дар бораи хадамоти садамавию наҷотдиҳӣ ва мақоми наҷотдиҳандагон», «Дар бораи бехатарии ҳаракат дар роҳ», «Дар бораи созмонҳои ғайриҳукуматӣ» ва лоиҳаи шарҳу мулоҳиза ба қонун «Дар бораи сарҳади давлатӣ» — ро мавриди муҳокима қарор медиҳанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






