Марди 34-сола бо гумони куштори зани рус дастгир шуд

Душанбе, 12.09.2014. (АМИТ «Ховар»). -Чанде пеш кормандони милитсия дар шаҳри Душанбе  зимни гузаронидани чорабиниҳои фаврию ҷустуҷӯӣ дар якҷоягӣ бо кормандони прокуратура сокини 34-солаи шаҳри Қӯрғонтеппаро бо гумони содир намудани ҷинояти куштор дастгир карданд. 
Муайян карда шуд, ки гумонбаршуда 30-юми сентябр дар ҳолати мастӣ дар кӯчаи Р. Набиеви шаҳри Душанбе бо зани 39-солаи сокини пойтахт, миллаташ рус, муноқиша намуда, ӯро латукӯб карда, ба қатл расонидааст. Сипас, ҷасади занро ба борхалтаи полиэтиленӣ андохта, даҳонашро бо сими алюминӣ баста, ба дохили партовгоҳ партофта, аз ҷойи ҳодиса ғайб задааст. 
Нисбат ба далели мазкур бо моддаи 104 (одамкушӣ) Кодекси ҷиноятии Ҷумҳурии Тоҷикистон парвандаи ҷиноятӣ оғоз шуда, тафтиши ин ҳодиса идома дорад.