Муҳокимаи масъалаи ҷилавгирии хариду фурӯши одамон

Душанбе, 26.10.15. (АМИТ «Ховар»). — Дар ҷараёни   мулоқоти  намояндагони   Вазорати  корҳои дохилии  Тоҷикистон ва Раёсати  оид ба масоили сарҳадоти Осиёи  Марказӣ  (БОМКА),  ки дар  шаҳри  Душанбе  баргузор гардид, масъалаҳои  афзун  намудани самараи идораи сарҳадот  барои  ҷилавгирии  хариду  фурӯши ғайриқонунии  одамон  ва  маводи  мухаддир  мавриди  муҳокима қарор  гирифтанд. 
Тавре  ки   ВКД  ҶТ хабар  медиҳад,  зимни  мулоқот  ҳамчунин  масоили ҷилавгирии   рабудани   воситаҳои  нақлиёт  ва  сабти  гурезаҳо  баррасӣ  шуданд. Намояндагони БОМКА ҷонибдории  худро аз  рушди  ҳамкорӣ бо  ВКД  барои  расонидани  ёрӣ ба  роҳандозии семинарҳои   таълимӣ  ва  масоили  дигар  иброз  доштанд.
Қобили  зикр  аст, ки  Барномаи  мусоидат  ба   идораи  сарҳадоти  Осиёи  Марказӣ  асосан  дидани  чораҳоро  ба  манзури  афзун намудани  самараи  тафтиши  сарҳадот барои тиҷорати  қонунӣ  ва  муқовимат   ба   шаклҳои  мухталифи  қочоқгарӣ  фаро  мегирад.