Муассисаҳои маорифу тандурустӣ барои зимистонгузаронӣ омодаанд

Душанбе, 15.10.2015 (АМИТ «Ховар»).-Бо мақсади сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2015-2016 тадбирҳои муассир андешида шуда, муассисаҳои соҳаи маорифу тандурустии вилояти Суғд бо маводи зарурӣ таъмин шуданд.
Дар асоси қарори раиси вилоят ва нақшаи чорабиниҳо то 1 октябр дар соҳаи маориф 10 ҳазору 970 тонна ангиштсанг захира шудааст, ки 114,5 фоизи нақшаро ташкил медиҳад ва 7,3  ҳазор метри кубӣ ҳезум захира  шудааст, ки 109,5 фоизи нақшаро ташкил мекунад.