Намояндагони вазорату кумитаҳо аз сафари Русия баргаштанд
Душанбе, 21.10. 2015 (АМИТ «Ховар»). — Гурӯҳи ҷавонон, намояндагони Вазорати корҳои дохилӣ, Кумитаи ҷавонон, варзиш ва сайёҳӣ, Кумитаи кор бо занон ва оила, Кумитаи телевизион ва радио ва гурӯҳи «Пешоҳанг», ки бо мақсади мулоқот бо ҷавонони тоҷик тӯли як ҳафта дар Федератсияи Русия қарор доштанд, ба Ватан баргаштанд.
Зимни вохӯриҳои судманд дар шаҳрҳои Маскав, Твер, Сочи ва вилояти Краснодар, ки дар он ҷо шумораи зиёди тоҷикон ба кору таҳсил машғуланд, ҷавонони гурӯҳи «Пешоҳанг» доир ба дастовардҳои кишвар дар даврони соҳибистиқлолӣ, пешгирии ҷавонон аз гаравиш ба гурӯҳҳои гуногуни ифротӣ, тарғиби фарҳанги миллӣ, эҳтиром ва арҷ гузоштан ба муқаддасоти миллӣ ва дигар мавзӯъҳои мавриди назар суҳбати озоду самимӣ анҷом доданд.
Сафари гурӯҳи ҷавонон бо ташаббуси роҳбарияти Вазорати корҳои дохилӣ сурат гирифт ва дар ҷараёни он намояндагони вазорату кумитаҳои ҳукуматӣ аз шароити таҳсилу кори ҷавонони тоҷик дар Русия огоҳӣ пайдо карданд.
Ҷавонони гурӯҳи «Пешоҳанг» аз сафар ба Федератсияи Русия ва вохӯрӣ бо ҳамватанони бурунмарзӣ таассуроти хотирмон бардошта, изҳор доштанд, ки ин чорабиниҳо дар сатҳи баланд баргузор гардида, суҳбату мулоқот барои бедор кардани ҳисси миллӣ ва хештаншиносию худогоҳии ҷавонон хеле боманфиат буданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






