Оғози мусобиқаи байналмилалии дзюдо барои «Ҷоми Президенти Тоҷикистон»
Душанбе, 05.10.2015 (АМИТ «Ховар»).-Имрӯз дар шаҳри Душанбе 3-юмин мусобиқаи байналмилалӣ оид ба гӯштини дзюдо барои дарёфти «Ҷоми Президенти Тоҷикистон» оғоз меёбад.
Дар назар аст, ки дар мусобиқаи мазкур паҳлавонони 15 кишвари ҷаҳон, аз қабили Тоҷикистон, Афғонистон, Русия, Беларус, Қирғизистон, Қазоқистон, Туркманистон, Ӯзбекистон, Эрон, Миср, Муғулистон, Италия, Куба ва Юнон иштирок намуда, барои «Ҷоми Президент» миёни ҳам рақобат кунанд.
Ба иттилои президенти федератсияи дзюдои Тоҷикистон Нурулло Лоиқов, варзишгарон миёни ҳам дар вазни мутлақ рақобат мекунанд. -Барои ҷоизадорони мусобиқа, ки ҷойҳои намоёнро ишғол мекунанд, 100 ҳазор сомонӣ мукофот муайян гардидааст. Барои ғолибони мусобиқа ҷойҳои якум, дуюм ва ду ҷойи сеюм муайян гардидааст,-афзуд Нурулло Лоиқов.
Мақсад аз баргузории мусобиқаи мазкур тарғибу ташвиқи тарзи ҳаёти солим ва рушди ин намуди варзиш мебошад, зеро имрӯз кишвар ҳама гуна имкониятро доро мебошад ва бояд аз он самаранок истифода намоем.
Дар мусобиқа, ки бо дастгирии Ҳукумати Ҷумҳурии Тоҷикистон, Кумитаи ҷавонон, варзиш ва сайёҳӣ дар ҳамкорӣ бо Федератсияи дзюдои Тоҷикистон доир мешавад, беш аз 40 паҳлавон ширкат меварзад.
Мусобиқаи мазкур аз соли 2013 ҳамасола бо иштироки доираи васеи паҳлавонони Осиёву Аврупо, Африқову Амрико гузаронида мешавад.
Ёдовар мешавем, ки мусобиқа дар майдони тенниси Корхонаи воҳиди давлатии Роҳи оҳани Тоҷикистон соати 16 шурӯъ мешавад.
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
