Оксфам роҷеъ ба натиҷаҳои таҳлил оид ба гендер, син ва маъюбият мизи мудаввар доир кард

Душанбе, 30.10.2015. (АМИТ «Ховар»).- «Оксфам дар якҷоягӣ бо шарикони миллӣ ва байналмилалӣ барои омода намудани шахсони осебпазир дар мавриди вокуниши сареъ ба таҳдидҳои эҳтимолӣ фаъолият намуда, умедворем, ки муҳокимаи имрӯза боиси он мешавад, ки минбаъд масъалаҳои вобаста ба гендер, син ва маъюбият ҳангоми банақшагирии лоиҳаҳои вобаста ба коҳиш додани хатарот аз офатҳои табиӣ зиёдтар фаро гирифта хоҳанд шуд”,- гуфт Боян Колундзия, директори ташкилоти Оксфам дар Тоҷикистон дирӯз, 29 октябри соли ҷорӣ дар мизи мудаввар бахшида ба натиҷаҳои таҳлил роҷеъ ба ҷанбаҳои ҷинс, синн ва маъюбият дар лоиҳаҳои вобаста ба коҳиш додани хатари офатҳои табиӣ.  Ҳадафи чорабинӣ- ин саҳмгузорӣ ва таҳия намудани тадбиру тавсияҳо барои такмили муколама оид ба Платформаи нави миллии Ҷумҳурии Тоҷикистон оид ба паст кардани хатари офатҳо буд.
Дар мизи мудаввар мақомоти давлатӣ, ташкилоти маблағгузор, ҷамъияти шаҳрвандӣ, зиёиёну намояндагони воситаҳои ахбори омма ширкат варзиданд. 
Таҳлил дар доираи барномаи Оксфам оид ба коҳиш додани хатари офатҳои табиӣ гузаронда шуд, ки ин лоиҳа аз тарафи Барномаи Шуъбаи кумаки башардӯстонаи фонди Комиссияи Аврупо оид ба омодагӣ ба офатҳои табиӣ маблағгузорӣ мешавад.