Покистон: Бар асари зилзила 4 нафар ҳалок гардида, 100 тани дигар ҷароҳат бардошт

Душанбе, 26.10.2015. (АМИТ «Ховар»). — Бино ба иттилои Агентии «Рейтер» бо истинод ба пулис ва табибони покистонӣ, бар асари зилзила, ки  маркази он дар Афғонистон ҷойгир будааст, 4 нафар дар Покистон ҳалок гардида, 100 тани дигар ҷароҳат бардоштааст.
Қувваи зилзила дар Афғонистон 7,5 балро ташкил дод.
Бино ба иттилои ВАО-и Покистон, миёни фавтидагон як кӯдак низ будааст. Кӯдак дар маҳали аҳолинишини Каллар Қаҳори музофоти Панҷоб ҳалок гаштааст. 
Бино ба иттилои хабаргузории «Франс пресс» бо истинод ба сардори хадамоти таъҷилии тиббии беморхонаи ҷамъиятии Покистон Муҳаммад Содиқ, дар натиҷаи зилзила тақрибан 100 нафар дар маркази маъмурии вилояти Хайбар-Пахтунхва — шаҳри Пешовар ҷароҳат бардоштаанд. «Беш аз беш ҷароҳатбардоштагони зиёдеро ба беморхона оварда истодаанд. Аксари онҳо зери харобаҳо мондаанд», — гуфт Содиқ.
Тавре ки иттилоъ додем, имрӯз соати 14.09 вақти маҳаллӣ дар Афғонистон зилзила бо қувваи 7.5 бал ба амал омад.