Раиси иҷроияи Ҳукумати Афғонистон аз Покистон хост, то кумакҳояшро ба Толибон қатъ кунад

Душанбе, 13.10.2015. (АМИТ «Ховар»).- Абдуллоҳ Абдуллоҳ, раиси иҷроияи Ҳукумати Ваҳдати миллии Афғонистон зимни нишасти Шўрои вазирон бо ибрози хушбинӣ аз вазъияти кунунии Қундуз изҳор дошт, ки дар қисмати поксозии Қундуз пешрафтҳои назаррас сурат гирифтаанд ва теъдоде аз мардум ба хонаҳояшон баргаштаанд, аммо мехоҳем, то барои таъмини амнияти Қундуз иқдоми ҷиддитаре сурат бигирад.  Ин дар ҳолест, ки  рўзи гузашта Навоз Шариф, нахуствазири Покистон аз омодагии Исломобод барои оғози гуфтугўҳои сулҳ сухан рондааст. Вале Абдуллоҳ Абдуллоҳ аз Покистон мехоҳад, то дар гоми нахуст кумакҳояшонро ба Толибон қатъ кунанд, то эътимоди аз даст рафтаи Афғонистонро ба даст биёранд.