Рушди чорводорӣ бо дастгирии Лоиҳа
Душанбе, 06.10.2015. (АМИТ «Ховар»).-Бо дастгирии Ҳукумати Ҷумҳурии Тоҷикистон аз ҷониби Муассисаи давлатии Маркази идораи Лоиҳаи «Рушди чорводорӣ ва чарогоҳҳо» дар деҳаи Лангари ҷамоати деҳоти Боғгаӣ дар ноҳияи Муъминобод ҷои обнӯшии чорво, ҷои нигоҳдории чорво ва ҷой барои истироҳати чӯпонон ба истифода дода шуданд.
Тибқи иттилои намояндаи лоиҳаи мазкур Муҳриддин Музаффаров, чарогоҳҳои ин мавзеъ дар 8-10 км дурӣ ҷойгиранд ва сари вақт об додани чорво мушкилии зиёдро пеш меовард. Тавассути дастгирии Лоиҳаи «Рушди чорводорӣ ва чарогоҳҳо» Ҷамъияти истифодабарандагони чарогоҳҳо ташкил гардида, барои аъзои он тухмии зироат ва нуриҳои минералӣ дастрас гардид, ки бо ин васила дар мавзеъҳои чаронидани чорво алафҳои гуногуни серғизо зиёд гардиданд.
Инчунин дар доираи лоиҳаи мазкур дар деҳаи Сангдараи Болои ҷамоати ба номи Шамсиддин Шоҳини ноҳияи Муъминобод клиникаи байторӣ ба истифода дода шуд. Клиникаи мазкур ба 8 деҳаи ҷамоати деҳоти Боғгаӣ ва Шамсиддин Шоҳин хизмат мерасонад. Барои мукаммал гардонидани дониши байторон дар ҳамкорӣ бо Ассотсиатсияи байторони Тоҷикистон машаваратҳои омӯзишӣ гузаронида шуданд.
Манбаъ афзуд, ки бо кушодани клиникаи мазкур дар байни чорво касалиҳои сил, нағзак, сӯхтании сибирӣ, буғумдард, хоришак ва дигар бемориҳо хеле кам гардид, зеро мутахассисони соҳибтаҷриба 4 ҳазору 500 чорвои калони шохдор ва зиёда аз 10 ҳазор чорвои майдаро сари вақт эм гузаронида, ёрии оҷилии худро мерасонанд. Бояд зикр намуд, ки тамоми лавозимот ва доруҳои клиникаи мазкур бо дастгирии лоиҳа дастрас гардидаанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






