Силоҳбадастони «Давлати исломӣ» аз Сурия ба Туркия ва Урдун фирор мекунанд

Душанбе, 23.10.15. (АМИТ «Ховар»). — Тавре  ки   сардори Сарраёсати Ситоди  генералии қувваҳои  ҳарбии Федератсияи  Русия  Андрей  Картаполов ба  журналистон  хабар  дод, дар  Сурия   силоҳбадастон  гурӯҳ — гурӯҳ  ба  Туркия  ва  Урдун  фирор  карда, қумондонҳои  саҳроии  «Ҷабҳат ан — Нусра»  маҷбур  мешаванд, ки ҷангиёнро  аз  Ироқ ба майдонҳои  муҳориба  оваранд.
«Яке  аз   мушкилоти  асосии  силоҳбадастон сӯи қаламрави  Туркия  ва  Урдун  рӯ  ба гурез овардани гурӯҳҳои  террористӣ  мебошад. Қумондонҳои  саҳроии  «Ҷабҳат  ан  — Нусра» таъҷилан  кӯшиш  менамоянд, ки қувваҳои   иловагиро ба майдони  ҷанг  ворид  намоянд, зеро  дастаҳои ДОИШ  мавқеъҳояшонро тарк  намуда,  ба самтҳои  шарқӣ  ақибнишинӣ  мекунанд», —  гуфт  Картаполов. 
Мавсуф қайд  намуд, ки  роҳбарияти  ДОИШ  бинобар  расидани  талафоти  зиёд маҷбуранд, ки қувваҳои  навро  аз  Ироқ  ба Сурия  оваранд.