«Тоҷиксуғурта»-и Ҷиргатол: 746 шартнома зиёдтар баста шуд

Душанбе, 27.10.2015 (АМИТ “Ховар”).-  Филиали КВД «Тоҷиксуғурта»  дар ноҳияи Ҷиргатол дар соли равон бо 3359 шахси ҳуқуқиву воқеӣ шартномаи суғуртавӣ бастааст, ки нисбат ба ҳамин давраи соли гузашта 746 шартнома зиёд мебошад.  
Оид ба ҳамаи намудҳои суғурта  110 ҳазору 495 сомонӣ пардохт ворид гардид, ки  110,8 фоизро ташкил менамояд.  Дар давоми соли равон  ба 39 шахси ҳуқуқиву воқеӣ, яъне суғурташавандагони ба ҳаёту саломатиашон осебрасида  ва ё молу амволашон  корношояму нобуд гардида   ба маблағи 27 ҳазору 837 сомонӣ ҳақгузорӣ шудааст.