Толибаҳои Қумсангир — ғолиби Озмуни ҷумҳуриявии пушкинхонӣ

Душанбе, 27.10.15. (АМИТ «Ховар»). — Дар  Маркази  илму  фарҳанги  Русия  воқеъ дар  шаҳри  Душанбе Озмуни Х ҷумҳуриявии пушкинхонӣ баргузор  гардид. 
Дар  озмун  хонандагони синфҳои  8 — 11 макотиби таҳсилоти  умумии шаҳрҳои Душанбею  Турсунзода  ва  ноҳияи  Қумсангир,  ҳамчунин  фарзандони оилаҳои  ҳамватанони  русиягии  сокини  Тоҷикистон   иштирок намуданд. Толибаи  синфи  10  мактаби таҳсилоти  миёнаи № 1 ноҳияи  Қумсангир  Шаҳрбону  Додобоева дар  бахши «Назм» ва  толибаи  синфи  8  мактаби  таҳсилоти  миёнаи  № 1 ноҳияи  Қумсангир  Анна  Моисеева  дар  бахши «Наср»  ғолибони  мутлақи озмун   гардида,  бо диплому  инъомҳои  қиматбаҳо  қадр  карда шуданд. 
Дар  озмун  33 нафар  мактабиён  ширкат намуда, ба  ҳамаи онҳо  тасдиқномаҳои  озмун  супурда  шуданд.
Озмун бо  ибтикори  Шӯрои  танзимотии  ҳамватанони  русиягӣ  дар  Тоҷикистон,  Маркази   илму  фарҳанги  Русия  воқеъ  дар  шаҳри  Душанбе  ва клубҳои  Пушкини  мактабҳо созмон  дода шуд.