Ҳаҷми истеҳсоли гӯшт дар вилояти Суғд зиёд шудааст

Душанбе, 17.11.2015. (АМИТ «Ховар).- Ҳаҷми истеҳсоли гӯшт дар ҳамаи бахшҳои хоҷагии вилояти Суғд 28790,6 тоннаро ташкил намуд, ки нисбат ба 1-уми ноябри соли 2014 — ум 4,6 фоиз зиёд аст.
Бино ба иттилои Сарраёсати Агентии омори назди Президенти Ҷумҳурии Тоҷикистон дар вилояти Суғд истеҳсоли гӯштро хоҷагиҳои ноҳияҳои Конибодом — 25,1 фоиз, Ашт — 12,8 фоиз, Исфара — 5,7 фоиз, Ҷаббор Расулов — 5,5 фоиз, Истаравшан — 3,8 фоиз зиёд намуданд.
Ҳаҷми умумии истеҳсоли шир дар вилоят 189667,9 тоннаро ташкил намуд, ки нисбат ба 1-уми ноябри  соли 2014 -ум 2,3 фоиз зиёд аст, аз  ҷумла дар хоҷагиҳои ноҳияҳои Исфара — 10,6 фоиз,  Зафаробод — 8,8 фоиз,  Ашт — 5,4 фоиз ва дар Истаравшан — 2,0 фоиз  афзудааст.