Ҷаласаи якуми Шӯрои соҳибкорони Тоҷикистону Покистон
Душанбе, 12.11.2015 (АМИТ “Ховар”).- Нимаи дуюми рӯзи 12 — уми ноябр дар ҳошияи сафари давлатии Президенти Ҷумҳурии Тоҷикистон Эмомалӣ Раҳмон дар шаҳри Исломобод ҷаласаи якуми Шӯрои соҳибкорони Тоҷикистону Покистон баргузор гардид.
Форуми мазкур таҳти раёсати вазири корҳои хориҷии Тоҷикистон Сироҷиддин Аслов ва вазири тиҷорати Покистон Хуррам Дастагир ҷараён гирифт.
Сироҷиддин Аслов имкониятҳои сармоягузорӣ ба иқтисодиёти Тоҷикистон ва захираҳои фаровони табиии кишварро муаррифӣ карда, соҳибкорону сармоягузорони покистониро ба ҳамкории пурсамар даъват намуд.
Таъкид гардид, ки имрӯз дар чаҳорчӯби равобити иқтисодии Тоҷикистону Покистон зиёда аз 40 ширкати покистонӣ барои пешбурди фаъолияти соҳибкорӣ дар кишвари мо расман ба қайд гирифта шудаанд.
Аз ҷониби ҳукумати мамлакат зиёда аз 40 намуди қонунгузорӣ ба роҳ монда шудааст, ки барои сармоягузорон имтиёзҳоро муқаррар менамояд.
Аз соли 2007 то имрӯз аз ҷониби сармоягузорони Покистон ба иқтисодиёти Тоҷикистон тақрибан 14 миллион доллари амрикоӣ сармояи мустақим ворид шудааст.
Истифодаи захираҳои фаровони гидроэнергетикию оби мусаффо, канданиҳои зеризаминӣ ва маҳсулоти кишоварзии аз ҷиҳати экологӣ тоза, имкони рушди соҳаи агросаноатӣ, аз ҷумла обу замину иқлими мусоид, ашёи хом, фаъолияти корхонаҳои коркарди нахи пахта ва алюминийи аввалия, ба роҳ мондани ҳамкорӣ дар соҳаҳои саноати истихроҷи маъдан ва истеҳсоли масолеҳи сохтмонӣ барои ҳарду ҷониб манфиатовар маънидод гардид.
Сироҷиддин Аслов ва Хуррам Дастагир хоҳони кори пурсамари форуми соҳибкорони ду кишвар шуда, пешниҳод намуданд, ки соҳибкорони тоҷику покистонӣ аз имкониятҳои мавҷуда самаранок истифода баранд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






