Амалиёти «Кӯдакон» ва «Муоинаи техникӣ» дар Хатлон

Душанбе, 13.11.15. (АМИТ «Ховар»). — Бозрасии давлатии  автомобилии  вилояти  Хатлон  аз  10 то  20  ноябр дар  роҳҳои  вилоят  ду амалиётро  таҳти  унвони  «Кӯдакон» ва «Муоинаи техникӣ» роҳандозӣ  мекунад. 
Тавре  ки  нозири  калони бозрасии давлатии  автомобилии  шӯъбаи  тарғибу назорати  бозрасии  автомобилии  вилоят  Ёрмаҳмад  Давлатов изҳор  дошт, ахиран теъдоди  садамаҳои нақлиётӣ бо  иштироки  кӯдакону  наврасон  коҳиш  ёфта бошад  ҳам, ҳодисаҳои ба бепарвоӣ  роҳ  додани  волидайн  ҳанӯз  ҳам   ба  назар  мерасанд. Барои   коҳиш  додани  садамаҳои  нақлиётӣ  бо  иштироки  кӯдакон  бояд  волидайн масъулияти бештар  зоҳир  намоянд. 
Мувофиқи  маълумоти Бозрасии  давлатии  автомобилии  вилояти  Хатлон,  аз  оғози  сол  дар роҳҳои  вилоят 80  садамаи  нақлиётӣ бо  иштироки  кӯдакон  рух дода,  бар  асари онҳо 22  нафар  ҳалок  гардида, 65  нафар  ноболиғон ҷароҳат  бардоштаанд.
Ба  гуфтаи  Ёрмаҳмад  Давлатов,  роҳандозии  амалиёти  «Муоинаи техникӣ» ба беҳдошти  вазъи техникии  автомобилҳо мусоидат  мекунад