Ҷашни парчам ифодагари якдилӣ ва муттаҳидии миллати тоҷик аст

Душанбе, 24.11.2015. (АМИТ «Ховар»).- Зимни  роҳпаймоии идона бахшида ба Рӯзи Парчами давлатӣ дар майдони Исмоили Сомонӣ имрӯз, 24 ноябр магистранти Донишгоҳи миллии Тоҷикистон- Маҳмадхуҷа Давлатов доир ба ҷашни парчам андешаҳояшро баён карда, аз ҷумла гуфт, ки: «Парчам яке аз нишонаҳои  муҳими давлатдорӣ буда, баёнгари мустақилияти халқи тоҷик,  ҳастии миллат ва ифодакунандаи таърихи чандҳазорсолаи он аст».
Ҳамчунин Маҳмадхуҷа Давлатов баён дошт, ки ҷашне,  ки имрӯз бахшида ба Парчами миллӣ дар фазои сулҳу оромӣ баргузор гардида истодааст, ин ифтихори бузург мебошад, зеро ин ҷашн ифодакунандаи мустаҳкамӣ ва якдилии миллати тоҷик аст ва мо имрӯз дар зери парчами кишвари хеш сарҷамъем».