Баргузории дувумин даври музокироти байналмилалӣ дар мавриди буҳрони Сурия
Душанбе, 16.11.2015 (АМИТ «Ховар»).- Дувумин даври музокироти байналмилалӣ дар мавриди буҳрони Сурия бо ҳузури 20 кишвари байналмилалӣ дар Вена, пойтахти Австрия бо қироати баёнияе ба поён расид.
Ҷон Керри, вазири корҳои хориҷии Амрико пас аз хотимаи нишасти Вена гуфт, дигар кишварҳои ширкаткунанда дар музокироти Сурия мегӯянд, Башор Асад, раиси Ҷумҳурии Сурия барои мушорикат дар «музокираи воқеӣ» омодааст. Керри ҳамчунин гуфт, ки оташбас дар Сурия шомили гурӯҳҳои террористӣ, аз ҷумлаи ДИИШ ва «Ҷабҳатуннусра» нахоҳад шуд. Сергей Лавров, вазири корҳои хориҷии Русия низ гуфт, Истаф Димишуро, фиристодаи махсуси Созмони милал дар Сурия, дар бораи ин мавзӯъ, ки кадом гурўҳи суриягӣ дар музокироти ояндаи Сурия намоянда дошта бошад, тасмимгирӣ хоҳад кард. Лавров ҳамчунин гуфт, тамоми қудратҳои ҷаҳонӣ барои ҳамкорӣ бо якдигар барои мубориза бо гурӯҳи ДИИШ афзоиш ёфтааст. Вазири корҳои хориҷаи Русия дар нишасти хабарӣ, ки пас аз иҷлосияи Вена баргузор шуд, гуфт: «Имрўз ман ҷаласаҳои дуҷониба доштам ва эҳсос мекунам фаҳми рӯ ба рушдӣ барои эҷоди як эътилофи байналмилалии коромад барои мубориза бо ДИИШ вуҷуд дорад». Вазири корҳои хориҷии Олмон низ ба хабарнигорон гуфт, ки кишварҳои ширкаткунанда дар ин нишасти якрўза тасмим доранд фавран музокира бо гурӯҳҳои мухолифи давлати Сурияро оғоз кунанд. Фронко Валтер Эштон Моер афзуд, кишвари ширкаткунандаи хостори баргузарии интихобот дар 18 моҳи оянда дар Сурия ҳастанд, аммо маълум нест музокироти пешорўӣ то чӣ андоза душвор бошад Федерико Мугернӣ, раиси сиёсати хориҷии иттиҳодияи Аврупо пас аз хотимаи нишасти Вена ин музокироти байналмилалиро «хуб» арзёбӣ кард. Вай иброз дошт, ки акнун метавон фароянди дастёбӣ ба як тавофуқ барои буҳрони Сурияро оғоз кард. Дар ин ҳол Одил Алҷубайр, вазири корҳои хориҷии Арабистони Саъудӣ бо поён ёфтани нишасти Вена эълом кард, ки Риёз аз раванди сиёсӣ ҳимоят хоҳад кард ки ба канорагирии Башор Асад хотима ёбад ва дар ғайри ин сурат ба ҳимояти худ аз мухолифони давлати Сурия идома хоҳад дод.
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
