Баталйони сулҳҷӯёнаи Вазорати мудофиаи Тоҷикистон соҳиби васоити нави нақлиётӣ шуд
Душанбе, 09.11.2015 (АМИТ «Ховар»).- 9-уми ноябри соли 2015 маросими тақдими панҷ васоити нақлиёт, аз ҷумлаи Ҷип J8 ба баталйони сулҳҷӯёнаи Вазорати мудофиаи Тоҷикистон аз ҷониби Сафорати ИМА дар Душанбе дар пойгоҳи «Шамсӣ» сурат гирифт. Васоити нақлиёт аз се мошин барои роҳпаймоиҳои патрулӣ, як адад барои ҳайати шахсӣ ва мошини ёрии таъҷилӣ иборат аст. Кумаки мазкур ба маблағи 1.1 миллион доллари амрикоӣ барои беҳтар намудани омодагии баталйони сулҳҷӯёна дар гузаронидани амалиёти мансуб дар чорчӯбаи СММ равона шудааст. Он инчунин таъмини қисмҳои эҳтиётӣ, таҷҳизот, омӯзиш ва васоити алоқаро дар бар мегирад. Кордори Сафорати ИМА хонум Лесли М. Ҳейден ба Вазорати мудофиа барои ҳамкорӣ барои баланд бардоштани иқтидори баталйон ва кордонӣ арзи сипос намуда, изҳори итминон намуд, ки Тоҷикистон дар ояндаи наздик метавонад баталйони мазкурро ба неруҳои посдори сулҳи СММ шомил кунад. Маблағгузорӣ барои дастрас намудани васоити нақлиёти мазкур дар чорчӯбаи ташаббуси ҷаҳонии оид ба амалиёти сулҳҷӯёнаи Департаменти давлатии ИМА роҳандозӣ шуда, он аз соли 2009 зиёда аз 6,6 миллион доллари амрикоиро ба Тоҷикистон барои ҷонибдорӣ аз барномаҳои омӯзишӣ, дастрасии таҷҳизот ва таъсиси Маркази омӯзишӣ оид ба амалиёти сулҳҷӯёна дар пойгоҳи «Шамсӣ» ҷудо намудааст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






