Дар маркази таълимии АНМН курсҳои омӯзишӣ оғоз гардиданд

Душанбе, 2. 11. 2015. (АМИТ «Ховар»).-Тибқи қароре, ки дар вохӯрии гурӯҳи кории роҳбарони ҷузъу томҳои иттилоотӣ-таҳлилии мақомоти ҳифзи ҳуқуқ ва сохторҳои қудратии Тоҷикистон дар моҳи сентябри соли ҷорӣ дар агентӣ қабул шуд, 2 ноябр дар заминаи Маркази таълимии Агентии назорати маводи нашъаовари назди Президенти ҶТ тренинги чоррӯза барои кормандони шуъбаҳои таҳлилии агентӣ, ВКД, КДАМ, СҚС КДАМ ва Хадамоти гумруки назди Ҳукумати ҶТ нисбат ба омода сохтани маводи оморӣ ва ҳисобот аз рӯи натиҷаи мубориза бар зидди муомилоти ғайриқонунии маводи нашъаовар оғоз гардид. 
Дар тренинг кормандони ҷузъу томҳои таҳлилӣ имкониятҳои асосии барномаҳои компютерии  MS Excel-ро дар коркарди маводи омории вобаста ба муомилоти ғайриқонунии маводи нашъаовар меомӯзанд. 
Инчунин машғулиятҳои интерактивӣ бо техникаи компютерӣ гузаронида мешаванд.