Дар Тоҷикистон истеҳсоли маҳсулоти нафтӣ коҳиш ёфт

Душанбе, 02.11.15. (АМИТ «Ховар»). — Аз рӯи  натиҷаи  9  моҳи  соли равон   ҳаҷми   истеҳсоли  маҳсулоти   нафтӣ   нисбат ба  ҳамин  давраи  соли  2014  баробари 37,7  фоиз  коҳиш ёфт. 
Тавре  ки  Агентии  омори  назди Президенти  ҶТ  хабар  медиҳад, коҳишёбии  ҳаҷми  истеҳсоли  маҳсулоти  нафтӣ   аз ҳисоби  кам  шудани  тавлиди  бензин  баробари 43,3  фоиз,  сӯзишвории  дизелӣ  баробари  43,8  фоиз,  мазут  баробари  42,8  фоиз  ва  битум  баробари 49,9 фоиз  сурат  гирифт. 
Ҳамзамон ҳаҷми  истеҳсоли  маснуоти  нассоҷӣ ва  либос  баробари 3   фоиз  ва ҷӯробу  пайпоқ баробари 10,8  фоиз   афзоиш  ёфт.