Дастгир гардидани шарики гумонбар дар ҷинояти куштори кормандони Комиссариати ҳарбӣ
Душанбе, 18.11.2015. (АМИТ «Ховар»). — 17-уми ноябри соли 2015 дар натиҷаи бурдани чорабиниҳои фаврӣ-ҷустуҷӯӣ гумонбари дуюм дар ҷинояти куштори кормандони Комиссариати ҳарбии ноҳияи Сино ва расонидани зарари вазнин ба саломатӣ аз тарафи кормандони Вазорати корҳои дохилӣ дастгир гардид. Ин нафар Раҳматов Шариф Куканович, соли таваллудаш 1995, зодаи шаҳри Кӯлоб, бекор, муваққатан сокини шаҳри Душанбе мебошад.
Бо мақсади муайян ва дастгир намудани ҷинояткорон бо фармони вазири корҳои дохилӣ Раҳимзода Рамазон Ҳамро гурӯҳи фаврӣ-тафтишотӣ созмон ёфта буд.
Хотиррасон менамоем, ки 7-уми ноябри соли 2015, тахминан соати 07:20 шахсони номаълум ҳангоми дар кӯчаи Деҳотии шаҳри Душанбе қарор доштан бо кормандони Комиссариати ҳарбии ноҳияи Сино, лейтенанти калон Эгамбердиев Темурхон, майор Мирзоев Пулод, прапоршик Насибов Ҳамза ва ронандаи Комиссариати мазкур Саъдуллоев Рустам муноқиша карда, бо корд номбурдагонро захмӣ карда, аз ҷойи ҳодиса ғайб заданд. Дар натиҷа П. Мирзоев ва Ҳ. Насибов ҷароҳатҳои вазнини ҷисмонӣ бардошта, ба ҳалокат расида, дигарон бо ҷароҳатҳои гуногун дар беморхона бистарӣ гардиданд.
Аз рӯи ин ҳодиса парвандаи ҷиноятӣ оғоз гардида, тафтиш идома дорад.
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Имрӯз дар шаҳри Душанбе ҳаво то 37 дараҷа гарм мешавад
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
Дар қаламрави Тоҷикистон заминларза ба амал омад
