Хуҷанд: Кӯдакистони №29 боз 90 кӯдакро қабул менамояд

Душанбе, 17.11.2015. (АМИТ «Ховар).- Аз соли 1997 инҷониб бинобар дар ҳолати садамавӣ қарор доштани  се бинои кӯдакистони №29-и шаҳри Хуҷанд ин муассиса барои фаъолияти пурра имконият надошт.
Бо  320 ҳазор сомонӣ маблағгузории Мақомоти иҷроияи ҳокимияти давлатии шаҳри Хуҷанд Ширкати сохтмонии «Авитсена» қисми дар ҳолати садамавӣ қарордоштаи бинои  кӯдакистонро аз таъмири куллии босифат баровард.
Тавре ки иттилоъ дода шуд, то имрӯз кӯдакистон 200 кӯдакро ба таълиму тарбия фаро гирифта, баробари таъмир  гаштани қисми бинои кӯдакистон  имкони қабули боз 90 кӯдак пайдо гардид.
Ҳамзамон биноҳои таъмиргашта бо ашёҳои таълиму фароғат ва кати хоб  таъмин гашта, барои машғулияту фароғати тифлон тамоми шароит фароҳам оварда шудааст.