Ҷилои Парчами давлатӣ дар Қурғонтеппа

Қурғонтеппа, 24.11.2015. (АМИТ «Ховар»).-Имрӯз  дар  маркази маъмурии  вилояти Хатлон- шаҳри Қурғонтеппа  бахшида  ба  Рӯзи Парчами давлатӣ  чорабиниҳои идона  бо иштироки  ҷавонон ва намояндагони идораву  корхонаҳои вилоятиву  шаҳрӣ  баргузор  гардиданд.  Раиси  вилояти Хатлон  Давлатшоҳ  Гулмаҳмадзода зикр  кард,  ки  ҳамасола мардуми шарифи Тоҷикистон, аз ҷумла сокинони вилояти Хатлон Рўзи Парчами миллиро ҳамчун яке аз рамзҳои давлати соҳибистиқлоламон дар фазои сулҳу суботи комил, ваҳдати миллӣ ва садоқат ба ормонҳои чандинасраи халқамон таҷлил менамоянд. 
Зикр гардид,  ки  сулҳу  оромӣ бо саъю  кӯшиши  беандозаи Рохбари давлат  Эмомалӣ Раҳмон  ба  даст омадаанд  ва ҳар  яки мо  бояд  имрӯз  барои ватани азизамон  хизмати софодилона  кунем.
Дар чорабинии  идона  аҳли ҳунари вилоят барномаи ҳунарӣ пешниҳод карданд.  
Чорабиниҳои идона  бахшида  ба  Рӯзи Парчами давлатии  Ҷумҳурии  Тоҷикистон  дар  тамоми  шаҳру  ноҳияҳои вилояти Хатлон баргузор мегарданд.