Инъикоси сафари Ҷон Керрӣ ба Тоҷикистон дар расонаҳои хориҷӣ

Душанбе, 5.11.2015. (АМИТ «Ховар»).-Пас  аз сафари вазири корҳои хориҷии Амрико  ба Ҷумҳурии Тоҷикистон  ва мулоқоту музокираҳои ӯ бо Президенти Ҷумҳурии Тоҷикистон Эмомалӣ Раҳмон чанд рӯзи охир  ин сафар ва  мулоқоти  дипломати амрикоӣ сархатти ахбори расонаҳои хориҷӣ гардидааст. 
Таваҷҷуҳи аксари ин расонаҳоро нуктаи асосии ин мулоқот, ки Ҷон Керрӣ бо рўзноманигорон анҷом дод, ба худ ҷалб намудааст. Бахусус кумаки Амрико ба Тоҷикистон барои амнияти сарҳад бо Афғонистон, ки дарозии он беш аз 1300 километр аст, раҳо намудани Тоҷикистон аз бунбасти коммуникатсионӣ ва ҳамчунин кумак ба Тоҷикистон дар  ҳалли мушкилоти энергетикӣ таваҷҷуҳи рӯзноманигоронро ҷалб кардааст.
Дар ин радиф беш аз 150 сомонаи хабарӣ, расмӣ ва ғайрирасмӣ бо забонҳои гуногун аз сафари Ҷон Керрӣ ба Тоҷикистон ва натиҷаи  мулоқоту музокираҳои ў бо ниҳодҳои Тоҷикистон гузориш додаанд.
Дар ин расонаҳо аслан муҳтавои суханронии Керрӣ бо рўзноманигорон дар хусуси кумаки Амрико  дар масъалаи коммуникатсия ва энергетика ба шаклҳои гуногун дарҷ гардидааст, вале дар масъалаи таъмини амният қариб ки тамоми сарлавҳаҳои хабарӣ таҳти унвонҳои вобаста ба амният дар марз бо Афғонистон мебошанд. 
Дар расонаи http://www.news-alwaled.com/uncategorized/36556.html бо унвони «Ҷон Керрӣ Тоҷикистонро паймон медиҳад, ки  амнияти сарҳадаш бо Афғонистонро ИМА таъмин менамояд» хабар нашр шудааст. 
Дар расонаҳои   http://www.al3asma.com/78586 ва https://arabic.rt.com/   хабари дигаре бо унвони «Керрӣ» ба Душанбе: аҳд мебандем, ки шуморо ҳимоят ва аз бунбасти коммуникатсионӣ берун меорем» ба нашр расидааст. 
Дар ин масъала сомонаи хабарии «Voice of America», ки  навори видеоии он низ гузошта шудааст, ба ин нукта ишора мекунад. 
http://www.voanews.com/media/video/kerry-reaffirms-tajikistan-security-pledge/3034800.html
Ин хабарҳо танҳо шомили сомонаҳои хабарӣ нестанд, зеро инъикоси ташрифи Ҷон Керрӣ ба Тоҷикистон дар шабакаҳои иҷтимоӣ, ба мисли  Ютюб, Фейсбук, Твиттер ва телевизиону радиоҳои ҷаҳонӣ низ мавриди таваҷҷуҳи хабарнигорону ҷаҳониён қарор дорад.