Иштироки фаъоли «Созандагони Ватан» дар чорабиниҳои ҷашнӣ

Душанбе, 24.11.2015. (АМИТ «Ховар»). — Ташкилоти ҷамъиятии ҷавонон «Созандагони Ватан»-и Ҳизби Халқии Демократии Тоҷикистон бо мақсади сазовор таҷлил намудани Рўзи Парчами давлатӣ имрўз билборди калонҳаҷми худро, ки дар доираи баргузории аксияи ҷавонии «Сулҳ ба ҳама» таҳия ва нашр гардида буд,  дар шафати хиёбони Рўдакии пойтахт насб намуданд, ки рамзи иттиҳоду  ягонагӣ ва ҷонибдории ҷавонони кишвар аз сиёсати хирадмандонаи Пешвои миллат Эмомалӣ Раҳмон мебошад.
Инчунин,  субҳи имрўз даҳҳо аъзои фаъоли ҷавони ин ташкилот ба кўчаҳои шаҳри Душанбе баромада, варақаҳои табрикотии ташкилоти ҷавонони ҲХДТ «Созандагони Ватан»- ро ба сокинони шаҳр пешкаш намуданд ва онҳоро бо ин рўзи фархунда табрику таҳният гуфтанд.
Дар нимаи дуюми рўз намояндагони ТҶҶ «Созандагони Ватан» дар роҳпаймоии ҷавонон, ки дар маркази шаҳри Душанбе доир гардид, ширкати фаъол намуда, бо парчамҳо ва шиорпартоиҳои ватандўстона ба роҳпаймоии ҷавонон хотима бахшиданд.