Истихроҷи ангишт дар ҷумҳурӣ афзоиш ёфт

Ноябрь 4, 2015 02:54

Душанбе. 4.11.2015. (АМИТ «Ховар»).-Соҳаи саноати ангишт  ҳамчун воситаи энергетикӣ ба ҷои гази табиӣ ва маҳсулоти нафтӣ талаботи иқтисодиёти ҷумҳуриро таъмин менамояд ва суръати истеҳсолот дар саноат ва муассисаҳои соҳаи энергетика ба он вобастагии зич пайдо кардаасту он имрўз  дар рушди хоҷагии халқи мамлакат мавқеи муҳимро соҳиб шудааст. 
Дар айни замон зиёда аз 200 корхонаи соҳаҳои саноат, марказҳои барқу гармидиҳӣ, дегхонаҳои хоҷагиҳои коммуналӣ   ба ҷои гази табиӣ ва сўзишвориҳои моеъ ангиштро ҳамчун сўзишвории алтернативии технологӣ истифода мебаранд. Ин тадбир вобастагии иқтисодиёти ҷумҳуриро аз воридоти гази табиӣ ва маҳсулоти нафтӣ аз байн бурд. 
Аз ин ҷиҳат корхонаҳои соҳа дар назди Сарвари давлат ва Ҳукумати мамлакат масъулиятро бештар дарк намуда, дар арафаи ҷашни 21 солагии Конститутсияи Ҷумҳурии Тоҷикистон истихроҷи ангиштро ба 885 ҳазор тонна расониданд, ки ин нишондод нисбат ба ҳамин давраи соли 2014 183 ҳазор тонна ва нисбат ба ҷамъбасти соли 2014 10 ҳазор тонна зиёд мебошад. Фурӯши ангишт 782 ҳазор тоннаро ташкил медиҳад.
Мувофиқи маълумоти фаврии вазорату идораҳои дахлдор, талаботи муассисаҳои буҷавӣ дар соли ҷорӣ пурра таъмин шуд.
Захираи ангишт бо назардошти бақияи соли сипаригардида дар анбор ва нуқтаҳои фурӯши корхонаҳо  то 3 ноябри соли 2015  194 ҳазор  тоннаро ташкил медиҳад.
Ҳоло истихроҷи шабонарӯзии ангишт ба ҳисоби миёна 3000-4500 тоннаро ташкил медиҳад. Муштариён метавонанд ангиштро аз нуқтаҳои махсуси фурӯш  ва анборҳои корхонаҳои соҳаи ангишт дастрас намоянд.

 

Ноябрь 4, 2015 02:54

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд