Конфронси илмӣ — амалии байналмилалӣ оид ба ислоҳот дар мақомоти корҳои дохилӣ

Душанбе, 27.11.2015. (АМИТ «Ховар»).-Имрӯз, 27-уми ноябр дар Китобхонаи миллии Тоҷикистон Конфронси илмӣ-амалии байналмилалӣ дар мавзӯи «Масоили мубрами ислоҳоти мақомоти корҳои дохилии Ҷумҳурии Тоҷикистон» баргузор гардид.  Конфронсро вазири корҳои дохилии Ҷумҳурии Тоҷикистон  Раҳимзода Рамазон Ҳамро бо сухани ифтитоҳӣ оғоз намуд. Ҳамчунин роҳбари дастгоҳи иҷроияи Президенти Ҷумҳурии Тоҷикистон, номзади илмҳои ҳуқуқ  Худоёрзода Бахтиёр, раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният Мачидзода Ҷӯрахон Зоир, роҳбари Бюрои САҲА дар Ҷумҳурии Тоҷикистон Мюллер Маркус ва дигарон оид ба масоили муҳими ислоҳот дар мақомоти корҳои дохилӣ сухан карданд.